Нууцлалын бодлого

Zuiio ID гэж юу вэ?

Zuiio ID нь Zuiio-ийн өөрийн бүтээгдэхүүнүүдэд нэвтрэх төвлөрсөн үйлчилгээ юм. Zer, Tolom зэрэг Zuiio-ийн бүтээгдэхүүн Zuiio ID-д тусдаа зөвшөөрлийн дэлгэц харуулдаггүй. Бүтээгдэхүүнд дамжсан мэдээлэл болон бүтээгдэхүүн доторх хэрэглээг тухайн бүтээгдэхүүний өөрийн нууцлалын бодлого зохицуулна.

Бид ямар мэдээлэл ашигладаг вэ?

• Бүртгэлийн мэдээлэл: нэр, имэйл хаяг, имэйл баталгаажсан эсэх, сонголтоор профайл зураг болон сүүлд ашигласан нэвтрэх арга.
• Нэвтрэх болон хамгаалалтын мэдээлэл: нууц үгийн хэш, passkey-ийн бүртгэл, хоёр шатлалт баталгаажуулалт ашигладаг бол түүнтэй холбоотой мэдээлэл.
• Холбогдсон нэвтрэх үйлчилгээний бүртгэл, мөн OAuth зөвшөөрөл, scope болон нэвтрэлтийг хэрэгжүүлэх токены мэдээлэл.
• Нэвтрэлтийн session бүрийн IP хаяг, браузерын мэдээлэл (user agent), үүссэн болон шинэчлэгдсэн хугацаа. Нэвтрэлтийн хамгаалалтын хүсэлт хязгаарлахад IP хаяг болон хүсэлтийн замыг ашигласан тоолуур хадгална.
• Имэйлээр баталгаажуулах зэрэг үйл явцад ашиглах хугацаатай баталгаажуулалтын бүртгэл.

Мэдээллийг юунд ашигладаг вэ?

Бүртгэл үүсгэх, таныг таних, нэвтрэлтийг хамгаалах, бүртгэлээ сэргээх, хүссэн үед нэг удаагийн код илгээх, холбогдсон бүтээгдэхүүнд нэвтрүүлэхэд ашиглана. Та Google, Apple эсвэл Facebook-ээр нэвтрэхийг сонговол тухайн үйлчилгээ нэвтрэлтийг баталгаажуулж, шаардлагатай бүртгэлийн мэдээллийг Zuiio ID-д дамжуулж болно.

Мэдээлэл хуваалцах

Zer, Tolom зэрэг Zuiio-ийн өөрийн бүтээгдэхүүн нэвтрэхдээ тусдаа зөвшөөрлийн дэлгэц харуулахгүй. Одоогийн тохиргоогоор OAuth scope нь openid, profile, email,offline_access байна. profile scope-оор нэр, профайл зураг; emailscope-оор имэйл хаяг, баталгаажсан эсэх; offline_access scope-оор шинэчлэх токен дамжуулж болно. Zuiio ID-ийн бүртгэлийн тохиргоонд эдгээр бүтээгдэхүүний зөвшөөрлийг тус тусад нь харах, цуцлах боломж байхгүй. Zuiio ID бүртгэл устгаснаар цаашдын нэвтрэлт болон токеныг хаана; бүтээгдэхүүнд өмнө нь дамжсан мэдээллийг тухайн бүтээгдэхүүнээс тусад нь устгуулна уу.

Үйлчилгээг ажиллуулахад Cloudflare Workers, D1 болон Cloudflare Email Sending ашиглана. Нэг удаагийн кодыг имэйлээр хүргүүлнэ. Нууц үг үүсгэх, солих эсвэл сэргээх үед Have I Been Pwned үйлчилгээ нууц үг алдагдсан жагсаалтад байгаа эсэхийг шалгана. Зөвхөн SHA-1 хэшийн эхний таван тэмдэгтийг range хүсэлтээр илгээдэг; бүтэн нууц үгийг илгээдэггүй. Google, Apple эсвэл Facebook-ээр нэвтрэхийг сонговол тухайн үйлчилгээ нэвтрэлтийн хүсэлтийг боловсруулж, өөрийн нууцлалын бодлогоор мэдээлэл ашиглаж болно.

Эдгээр үйлчилгээ мэдээллийг Монгол Улсаас гадуур боловсруулах боломжтой. Боловсруулах байршил болон хил дамнасан мэдээлэл шилжүүлэх хамгаалалтыг нийтлэхийн өмнө Zuiio-ийн хуульч баталгаажуулна.

Cookie

Нэвтрэлт болон session ажиллуулахад шаардлагатай cookie ашиглана. Мөн таны сонгосон өнгөний загварыг хадгалах “theme” cookie байна.

Мэдээлэл хадгалах хугацаа

Бүртгэл устгах үед хэрэглэгчийн бүртгэл болон түүнтэй холбоотой нэвтрэх үйлчилгээний бүртгэл, passkey, хоёр шатлалт баталгаажуулалт, session, OAuth access/refresh token болон зөвшөөрлийн бүртгэлийг устгана. Нэг удаагийн код болон хамгаалалтын тоолуурын мэдээллийг бүртгэл устгах үед хамт устгах эсэх, хэр удаан хадгалахыг нийтлэхээс өмнө баталгаажуулах шаардлагатай.

Сессийн тохиргоонд 30 хоногийн хүчинтэй хугацаа, 24 цагийн шинэчлэх интервал байна; энэ нь хуучин мэдээллийг устгах хугацааг тогтоохгүй. Нэг удаагийн кодын хэш 10 минут хүчинтэй; энэ нь кодыг ашиглах хугацаа болохоос хадгалсан бичлэгийг устгах баталгаа биш. “theme” cookie-г төхөөрөмж дээр нэг жил хүртэл хадгална.

Хувийн мэдээллийн хүсэлт

Та өөрийн мэдээлэлтэй танилцах, засуулах, хуулбар авах, устгуулах эсвэл боловсруулалтыг хязгаарлуулах хүсэлтээ бүртгэлтэй имэйл хаягаасаа support@zuiiotech.com-д илгээнэ үү.

Үйлчилгээ хариуцагч

Zuiio ID-г Zuiio ажиллуулна. Мэдээлэл хариуцагч хуулийн этгээдийн бүртгэлтэй нэр, хаяг энэ ноорогт баталгаажаагүй тул нийтлэхийн өмнө хуульч хянан нэмнэ. Хүсэлтээ support@zuiiotech.com-д илгээнэ үү.

Мэдээллээ удирдах, бүртгэл устгах

Профайл болон нэвтрэх аргаа бүртгэлийн тохиргооноос удирдаж болно. Бүртгэл устгах алхам болон Facebook-ийн холболтыг салгах зааврыг энэ хуудсаас үзнэ үү. Zuiio ID бүртгэл устгах нь холбогдсон бүтээгдэхүүнд үлдсэн мэдээллийг автоматаар устгахгүй.